Qazaxıstanda 18 yük vaqonu relsdən çıxıb

Olaylar.az xəbər verir ki,  Şərqi Qazaxıstan vilayətində ikisi Rusiya Federasiyasının mülkiyyətində olan 18 yük vaqonunun relsdən çıxması baş verib. 

Bu barədə aprelin 4-də Qazaxıstan Dəmir Yolları şirkətinin mətbuat xidməti məlumat yayıb.

"Aprelin 3-də saat 12:04-də Şərqi Qazaxıstan vilayətinin Oskemen - Kumıstau dəmir yolu hissəsində yük qatarında 18 vaqon relsdən çıxıb. Qatar 37 km / sürətlə hərəkət edirdi.  Relsdən çıxmış, filizlə yüklənmiş iki vaqon Rusiya Federasiyasının mülkiyyətidir, şlakla yüklənmiş daha 16 vaqon isə "KazzincTemirTrans" MMC-yə məxsusdur.

Hadisə nəticəsində ölən və xəsarət alan olmayıb, qatarda gecikmə qeydə alınmayıb. Bərpa işləri aparılır. Hadisənin səbəblərini və şəraitini araşdırmaq üçün "Qazaxıstan Temir Yolu"da komissiya yaradılıb.