Pan Gi prezidentlik fikrindən daşındı

BMT-nin keçmiş baş katibi Pan Gi Mun Cənubi Koreya prezidentliyinə namizəd olmayacağını bildirib.

BMT-nin keçmiş baş katibi Pan Gi Mun Cənubi Koreya prezidentliyinə namizəd olmayacağını bildirib.
Xatırladaq ki, bu yaxınlarda Cənubi Koreya Milli Assambleyasının (parlament) ekspert qrupu BMT-nin keçmiş baş katibinin dövlətdə yüksək vəzifə tuta biləcəyi qənaətə gəlib. Hərçənd ümumdünya təşkilatının Baş Assambleyasının qətnamələrindən biri bunu həyata keçirməməyi tövsiyə edir.
Qeyd edək ki, Pan Gi Mun BMT-nin baş katibi kimi 10 illik fəaliyyətindən sonra yanvar ayında Nyu-Yorkdan vətəninə dönüb. Dekabrın 9-da böyük korrupsiya qalmaqalına görə ölkə prezidenti Pak Kın Heyə impiçment elan edildiyindən Pan Gi Mun prezidentliyə mümkün namizəd sayılırdı. Bu barədə report "Yonhap" agentliyinə istinadən xəbər verir.