“Ağıllı” restoran açılacaq

Çində "KFC" restoranlar şəbəkəsi və yerli "Baidu" veb-xidmətlər provayderi gələcəyin restoranının yaradılması üzərində işləyirlər. Yeni "ağıllı" fast-fud kafesi Pekində yerləşəcək. Restoranın əsas özəlliyi ondan ibarətdir ki, müştəri sifariş etməyəcək. Sistem müştərinin üz ifadəsindən onun hansı qidanı yemək istədiyini müəyyənləşdirəcək.
 "KFC"-nin kassalarında qurulmuş müasir skanerlər müştərinin cinsini, yaşını və əhval-ruhiyyəsini müəyyənləşdirə biləcək. Restoran operatorlarının fikrincə, bu, sifarişi təyin etmək üçün kifayətdir. Bundan başqa, restoran tədricən daimi müştərilərin məlumat bazasını yaradacaq. Bu, müştərinin əvvəlki sifarişlərinə əsaslanaraq onun istəyini daha dəqiq təyin etməyə imkan verəcək. Bu barədə  "ICTnews" Elektron Xəbər Xidməti "psm7.com" saytına istinadən xəbər verir.