Daha bir boksçumuz mərhələ adladı

Bu gün Avropa Oyunlarında boks yarışları davam edir. Trend-in məlumatına görə, Azərbaycanı kişilər arasında 64 kq çəki dərəcəsində təmsil edən Lorenzo Sotomayor 1/16 final mərhələsində slovakiyalı Edin Seydinoviçlə qarşılaşıb. Təmsilçimiz hər üç raundda rəqibindən üstün olub - 3:0. O, növbəti mərhələdə moldovalı boksçu Dmitri Qalaqot ilə döyüşəcək. Görüş iyunun 21-i saat 20:30-da keçiriləcək.

Qeyd edək ki, bundan əvvəl boksçumuz Teymur Məmmədov 1/16 final mərhələsində Böyük Britaniya təmsilçisi Coşua Buatsi ilə qarşılaşıb. Görüş Azərbaycan təmsilçisinin 3:0 hesablı qələbəsi ilə yekunlaşıb.