“Super Yer kürəsi” kəşf edilib

17 Sentyabr 2019 11:47 Yer üzünə səyahət

Alimlər Günəş sistemindən kənar qalaktikaları araşdırarkən 111 işıq ili uzaqlıqda yerləşən "super Yer kürəsi" kəşf ediblər. London Universitet Kollecinin professoru Covanna Tinetti K2-18b adlandırılan bu yeni kəşfi "heyrətamiz" olaraq xarakterizə edib.

K2-18b adlı ekzotik planet ilk dəfə 2015-ci ildə NASA-nın Kepler kosmik teleskopu vasitəsilə kəşf edilib. O, Yer kürəsindən 8 dəfə böyükdür və ölçüsünə görə Yerlə Neptun arasında sıralanan superyer kateqoriyasına aid edilir.

Tədqiqatçılar qeyd edir ki, K2-18b-nin atmosferi 0,01% -dən 50% -ə qədər su buxarından ibarətdir. Bu diapazon ekzoplanetin təsvirini çətinləşdirir. Belə ki, o, həm tamamilə su altında qala bilər, həm də gölləri, okeanları və geniş ərazini əhatə edə bilər.

K2-18b Günəş sistemi xaricində maye şəklində suyun və yaşayış üçün uyğun temperaturun olduğu yeganə məlum planetdir.

Təklifinizi, şikayətinizi bizə yazın. Sizi dinlərik. 055 634 88 31