Xankəndi sakini erməniləri QARABAĞDAN köçməyə SƏSLƏYİB

“İnşallah, bir də eşidəcəyik ki, Azərbaycan Prezidenti Xankəndinin su təchizatı sisteminin yenidən qurlması haqqında sərəncam verib və “Azərsu” şəhərə yeni su kəmərlərinin çəkilişinə başlayıb...”

"İnşallah, bir də eşidəcəyik ki, Azərbaycan Prezidenti Xankəndinin su təchizatı sisteminin yenidən qurlması haqqında sərəncam verib və "Azərsu" şəhərə yeni su kəmərlərinin çəkilişinə başlayıb..."

"Burada yaşamaq üçün heç bir şərait yoxdur. Və hələ köçüb gedənləri qınayırsınız?! Düz edirlər, gedirlər!". 

Olaylar.az xəbər verir ki, bu sözləri Xankəndindəki qondarma erməni "meriya"sının  "Facebook" səhifəsində son günlər şəhərin içməli su təchizatında yaranmış ciddi problemlərə etirazını bildirən Xankəndi  sakini Svetlana Akopyan rus dilində yazıb.

"Qarabağda axmaq kimi sürünməyə məcbursan, bu, yaşamaq deyil. Həmişə gah su, gah işıq, gah da qaz olmur. Və siz insanları belə bir şəraitdə burada  saxlamağa çalışırsınız?! Beləmi? " - S. Akopyan daha sonra deyir. 

"Əvvəlcədən suyun kəsiləcəyi barədə xəbərdarlıq etməyin bir yolu yoxdur, yoxsa?! Bir saat ərzində buxarlandı su?! Orda nə edirsiniz?! Su kanalı idarəsinə zəng edib düşə bilmirəm. Yəqin ki, zəngləri cavablandırmamaq üçün dəstəyi yerə qoyublar. Bəlkə xalqı ələ salmağınız kifayətdir?! Hər yerdə bir "bardak" var! " - digər Xankəndi sakini Qoarina Xondkaryan da  separatçı-terrorçu erməni rəhbərliyinə etirazını rus dilində belə ifadə edib.

Xəbər verdiyimiz kimi son günlər Xankəndində içməli su ilə bağlı ciddi problem yaranıb.  Qondarma "meriya"dan verilən məlumata görə, buna səbəb  kəskin istilər səbəbindən şəhəri su ilə təmin edən çayların  qurumasıdır.

P.S. İnşallah, bir də eşidəcəyik ki, Azərbaycan Prezidenti Xankəndinin su təchizatı sisteminin yenidən qurlması haqqında sərəncam verib və "Azərsu" şəhərə yeni su kəmərlərinin çəkilişinə başlayıb... (moderator)