Azərbaycanda turizm bələdçiləri dövlət tərəfindən milli sertifikatlaşdırılacaq

Azərbaycanda turizm bələdçilərinin ilk dəfə dövlət tərəfindən milli sertifikatlaşdırılması prosesinə başlanılır. "OLAYLAR"-a Dövlət Turizm Agentliyindən bildirilib ki, Azərbaycan Turizm Bürosuna bununla bağlı sertifikasiya hüququ verilib.

Dekabrın 7-də bununla bağlı tədbir təşkil olunacaq. Tədbirdə Dövlət Turizm Agentliyinin və Azərbaycan Turizm Bürosunun rəhbərlərinin iştirakı gözlənilir.

Tədbir çərçivəsində, həmçinin Azərbaycan Turizm Bələdçiləri Assosiasiyasının mətbuat konfransı keçiriləcək.