Bişkekdə “Planetlə dialoq” adlı sənədli filmin premyerası keçiriləcək

21 Fevral 2024-cü il Bişkek vaxtı ilə saat 13.00 Alıkul Osmonov adına KR Milli kutabxanasında Rusiyanın məşhur kinorejissoru Qriqori Naxapetovun müəllifi olduğu  görkəmli dövlət və siyasi xadim,  Ümummilli Lider Heydər Əliyevin anadan olmasının 100   və  dünyaşöhrətli qırğız yazıçısı, ictiai-siyasi xadim Çingiz Aytmatovun 95 illik yubileyinə  həsr olunmuş   "Planetlə dialoq" adlı sənədli filmin premyerası keçiriləcəkdir.        Filmin premyerası Azərbaycan və Qırğızıstanın görkəmli şəxsiyyətlərinin müqəddəs xatirəsi və İlham Heydər oğlu Əliyevin yenidən Prezident seçilərək andiçmə mərasimi münasibəti ilə keçirilir. 
Sənədli film Türkdilli Dövlətlərin Siyasətinə Dəstək Fondunun sifarişi və birbaşa iştirakı ilə yaradılmışdır.           Filmin premyera  tədbirində Qırğızıstan Respublikasının yüksək  səviyyəli dövlət xadimlərinin, yazıçılar, elm adamları, Bişkekdəki diplomatik korpusun və diaspor nümayəndələrinin iştirakı gözlənilir. 
Qeyd edək ki Film eyni zamanda Qırğızıstan Milli TeleRadioKompanoyasının Mədəniyyət kanalı vasitəsi ilə də nümayiş etdiriləcək.