Azərbaycanda hava ilə bağlı son məlumat

Avqustun 31-i saat 10:00-a olan məlumata görə, Azərbaycanın bəzi ərazilərində qeyri-sabit hava şəraiti müşahidə olunur.

Milli Hidrometeorologiya Xidmətindən   bildirilib ki, ayrı-ayrı rayonlarda yağışlar leysan xarakteri daşıyır.

Ən çox yağıntı Qusarda qeydə alınıb - burada 8 mm yağıntı düşüb. Balakən və Qobustarda 5 mm, Şahbuzda 4 mm, Beyləqan, İmişli, Kürdəmir, Oğuz, Qəbələ, Lənkəran, Lerik və Şamaxıda isə 3 mm yağıntı müşahidə olunub.

İsmayıllı, Altıağac, Zərdab, Şuşa, Bakı və Abşeron yarımadasında 2 mm yağıntı qeydə alınıb.

Digər qeyd olunan rayonlarda isə yağıntının miqdarı 1 mm-dək olub.