Deputat şəhid ailəsini ziyarət edib- ÖZƏL

Milli Məclisin deputatı Asif Əsgərov Zaqatala rayonunun Lahıc kəndində seçicilərlə görüş keçirib. Mİllət vəkili "Olaylar"a bildirib ki, görüşdə seçicilərin müraciətləri dinlənilib, qaldırılan məsələlərin bir qismi qanunvericiliyin tələblərinə müvafiq olaraq yerindəcə həllini tapıb, digərləri isə aidiyyəti qurumlara yönləndirilib.

Daha sonra millət vəkili Asif Əsgərov Bəhmətli kəndində Vətən müharibəsi şəhidi Ümid Məmmədovun ailəsini ziyarət edib, onların qayğıları ilə maraqlanıb.

Görüşdə millət vəkili 44 günlük Vətən müharibəsində misilsiz şücaət göstərən şəhidlərin mənalı ömür yolunun gənc nəsil üçün örnək olduğunu bildirib. O, rəşadətli Azərbaycan Ordusunun Ermənistanın hərbi təcavüzü nəticəsində 30 ilə yaxın işğal altında qalmış əzəli torpaqlarımızı azad edərək tarixi Zəfərə imza atdığını qeyd edib.

Şəhidin ailə üzvləri bu kateqoriyadan olan şəxslərə göstərilən diqqət və qayğıya görə ölkə rəhbərliyinə minnnətdarlıqlarını ifadə ediblər.