Yardımlıda "Tariximiz və milli-mənəvi dəyərlər" mövzusunda tədbir keçirilib ÖZƏL

 Yardımlı Tarix-Diyarşünaslıq Muzeyində Yardımlı rayon A.Alyarov adına Horavar kənd tam orta məktəbinin  müəllim və şagirdləri ilə birlikdə  " Tariximiz və milli-mənəvi dəyərlər "  mövzusunda tədbir keçirilib. Muzeydən "Olaylar"a bildirilib ki, tədbirin əsas mahiyyəti məktəblilərin asudə vaxtının səmərəli təşkilidir. Tədbir çərçivəsində  "Tariximiz və milli-mənəvi dəyərlər" mövzusunda keçirilən maarifləndirici Tarix dərsində şagirdlərə Azərbaycanın tarixi, adət və  ənənələri və milli-mənəvi dəyərləri haqqında geniş məlumatlar verilib.
   Muzey əməkdaşı Əlisəfa Əhmədov və məktəbin müəllimi Nurlan Hüseynzadə çıxış edərək öz fikirlərini bildirdilər. 
    Muzey Əməkdaşı Anar Baloğlanlı tərəfindən məktəblilərə ümummilli lider Heydər Əliyevin həyatı  və 44 günlük Vətən Savaşı haqqında da mühüm  geniş məlumat verilib. Sonda məktəblilər üçün ekskursiya təşkil edilib.