Əgər bunları edirsənsə, vaxt itirmə: demensiya səni yoxlayır

Demensiya əksər hallarda səssiz və tədricən başlayır, ilk əlamətlər isə adi unutqanlıq və ya stress kimi qiymətləndirilir.

Musavat.com xəbər verir ki, həkimlər məhz bu səbəbdən xəstəliyin çox vaxt gec mərhələdə aşkar olunduğunu bildirirlər.

Mütəxəssislərin sözlərinə görə, erkən dövrdə ortaya çıxan bəzi dəyişikliklər tək-tək göründükdə təhlükəsiz təsir bağışlasa da, birlikdə müşahidə olunarsa ciddi xəbərdarlıq siqnalıdır.

Demensiyanın çox vaxt gözdən qaçan 5 erkən əlaməti:

1. Qısamüddətli yaddaşın zəifləməsi

İnsan son hadisələri tez-tez unudur, eyni sualı dəfələrlə verir, az əvvəl deyilənləri xatırlamaqda çətinlik çəkir.

2. Söz tapmaqda çətinlik

Danışıq zamanı pauzalar artır, fikri ifadə etmək üçün lazım olan sözlər "yaddan çıxır", nitq əvvəlki axıcılığını itirir.

3. Planlaşdırma və bir neçə işi eyni vaxtda görməkdə problemlər

Əvvəllər asan olan gündəlik işlər - yemək hazırlamaq, səfər planlamaq, məişət məsələlərini həll etmək - çaşqınlıq yaradır.

4. Şəxsiyyət və davranış dəyişiklikləri

Şəxs daha qapalı olur, yaxınları ilə ünsiyyətdən qaçır, maraqları azalır. Ətrafdakılar onun "artıq əvvəlki insan olmadığını" hiss edir.

5. Maliyyə məsələlərində səhvlər

Hesablamalarda yanlışlıqlar, anlaşılmaz xərclər, ödənişlərin qarışdırılması və borcların unudulması müşahidə olunur.

Həkimlər vurğulayırlar ki, bu əlamətlərin bir neçəsi eyni vaxtda özünü göstərirsə, vaxt itirmədən mütəxəssisə müraciət etmək vacibdir. Erkən diaqnoz demensiyanın gedişatını yavaşlatmağa və insanın həyat keyfiyyətini qorumağa imkan verir.