Sürətlə urbanizasiya olunan ərazilərdə köhnəlmiş şəbəkələr itkilərə səbəb olur

"Yeni yaşayış massivləri və sənaye zonalarında qabaqlayıcı infrastrukturun qurulması gələcəkdə yaranacaq problemlərin qarşısını almağa xidmət edir. Su təchizatının dayanıqlığının artırılması, alternativ su mənbələrinin yaradılması və infrastrukturun yenilənməsi bir-biri ilə sıx bağlı və kompleks yanaşma tələb edən strateji istiqamətlərdir. Bu tədbirlərin ardıcıl və sistemli şəkildə həyata keçirilməsi əhalinin həyat keyfiyyətinin yüksəldilməsinə, ekoloji təhlükəsizliyin təmin olunmasına və ölkənin sosial-iqtisadi inkişafına mühüm töhfə verir". "Olaylar" xəbər verir ki, bunu Həbib YAP Kəlbəcər rayon təşkilatının sədri Misirov deyib: "Suyun qorunması və səmərəli istifadəsi gələcək nəsillər qarşısında ən mühüm məsuliyyətlərdən biri olaraq daim diqqət mərkəzində saxlanılmalıdır. Müasir dövrdə əhalinin sağlamlığının qorunması, ekoloji təhlükəsizliyin təmin edilməsi və şəhər-kənd infrastrukturunun davamlı inkişafı su və kanalizasiya sistemlərinin etibarlı və fasiləsiz fəaliyyətindən birbaşa asılıdır. Bu baxımdan su təchizatı və kanalizasiya şəbəkələrinin genişləndirilməsi dövlətin sosial-iqtisadi siyasətinin prioritet istiqamətlərindən biri kimi xüsusi əhəmiyyət daşıyır. Əhalinin artımı, yeni yaşayış massivlərinin salınması, sənaye və xidmət sahələrinin genişlənməsi mövcud su və tullantı suları sistemlərinə olan tələbatı xeyli artırmışdır.

Xüsusilə iri şəhərlərdə və sürətlə urbanizasiya olunan ərazilərdə köhnəlmiş və yüklənmiş şəbəkələr itkilərə, fasilələrə və sanitariya problemlərinə səbəb olur. Bu səbəbdən su və kanalizasiya şəbəkələrinin mərhələli şəkildə yenilənməsi və əhatə dairəsinin genişləndirilməsi zəruri və qaçılmazdır. Su təchizatı şəbəkələrinin genişləndirilməsi əhalinin keyfiyyətli içməli su ilə təminatının yaxşılaşdırılmasına xidmət edir. Yeni magistral xətlərin çəkilməsi, paylayıcı şəbəkələrin qurulması, su anbarlarının və nasos stansiyalarının inşası nəticəsində suyun fasiləsiz və stabil verilməsi mümkün olur. Bu isə xüsusilə kənar qəsəbələrdə, yeni yaşayış sahələrində və əvvəllər mərkəzləşdirilmiş su sisteminə qoşulmayan ərazilərdə yaşayan əhali üçün mühüm sosial əhəmiyyət daşıyır. Kanalizasiya şəbəkələrinin genişləndirilməsi isə ekoloji təhlükəsizliyin və ictimai sağlamlığın qorunmasında həlledici rol oynayır. Məişət və tullantı sularının mərkəzləşdirilmiş qaydada toplanması və təmizlənməsi torpaq və yeraltı suların çirklənməsinin qarşısını alır, yoluxucu xəstəliklərin yayılma riskini azaldır. Yeni kanalizasiya xətlərinin çəkilməsi, kollektorların və tullantı sularının təmizləyici qurğularının tikintisi şəhər və qəsəbələrin sanitariya vəziyyətinin köklü şəkildə yaxşılaşmasına imkan yaradır. Bu sahədə həyata keçirilən layihələr eyni zamanda müasir texnologiyaların tətbiqi ilə müşayiət olunur".