"Aygün Kazımovaya dediyim söz yadıma düşəndə ölürəm" - Röya Ayxan

"Aygün Kazımova ilə aramızı maqazin verilişləri vurdu. O vaxtlar çıxıb demişəm ki, 40 yaşın var, sənin vaxtın gedib. İndi özümün 45 yaşım var, həmin söz yadıma düşəndə ölürəm. Deyirəm, nə axmaq adam olmusan".

Olaylar.az xəbər verir ki, bu sözləri Xalq artisti Röya Ayxan "Pərvizə görə" proqramında deyib.

Müğənni Xalq artisti Aygün Kazımova ilə qalmaqalından və illər sonra barışmasından danışıb:

"İndi mənə kimsə bir söz deyəndə deyirəm, canım suludur, belə edərəm. Ağzıma gələn ən düzgün olmayan sözüm olub. Onu da özünə dedim. Gülməkdən öldü, dedi ki, Röya, dəlisən. Gözümü açdım anamı 30 yaşında boşananda bağlanmış, oram, buram ağrıyır deyən gördüm. Ailədə elə psixoloji problemlə böyümüşəm. İndi özümü elə yaxşı hiss edirəm ki... Onlar mənim sözüm olmayıb. Deyirdilər de, mən də deyirdim".