Şagirdlərin elektron siqaretə aludəçiliyi narahatlıq yaradır- ÖZƏL

"Orta məktəblərdə yuxarı sinif şagirdlərinin elektron siqaretə aludəçiliyi narahatçılıq yaradır". "Olaylar" xəbər verir ki, bunu Milli Məclisin deputatı  Naqif Həmzəyev deyib: "Valideyin və müəllimlər bu halların qarşısının alınmasında məsuliyyətli olmalıdır. Eyni zamanda, elektron siqaretlərin satışı məqsədilə "qara bazar"ın formalaşmasının qarşısı alınmalıdır. Sahibkarların anbarlarında qalan məhsulların "qara bazara" çıxarılmaması üçün kompensasiya verilməli, yaxud onlara həmin məhsulları satmağa şərait yaradılmalıdır. Sahibkarların da bundan süni şəkildə istifadəsinin  qarşısı alınmalıdır".