Türkiyədə kəskin soyuqlar gözlənilir

26 dekabr 2025-ci il - 2 yanvar 2026-cı il tarixləri arasında İstanbulda və Türkiyənin bir sıra vilayətlərində hava temperaturun kəskin aşağı düşməsi gözlənilir, bəzi yerlərdə qar yağması ehtimalı var.

Olaylar.az-ın məlumatına görə, bu barədə Türkiyə KİV-ləri xəbər verib.

Məlumata əsasən, İstanbulda temperatur 0 dərəcəyə, Ədirnə və Kırklarelidə -3 dərəcəyə, Tekirdağ və Kocaelidə -1 dərəcəyə, Sakaryada -2 dərəcəyə, Yalovada isə +1 dərəcəyə düşəcək.

Dekabrın 27-dən etibarən Kocaeli, Sakarya, Yalova və Anadolunun dağlıq ərazilərinə qar yağacağı proqnozlaşdırılır.

İstanbul qubernatorluğu 26-27 dekabr tarixlərində şəhərin ən yüksək ərazilərində qar və ya sulu qar yağacağı barədə xəbərdarlıq edib, şəhərin qalan hissəsində isə yağış yağacağı gözlənilir.