Nərgiz Məhəmmədi casusluqda günahlandırıldı

Nobel laureatı Nərgiz Məhəmmədiyə qarşı iki yeni ittiham irəli sürülüb.

Olaylar.az xəbər verir ki, bu haqda onun ailəsi sosial media şəbəkəsində paylaşım edib.

Bildirilib ki, Məhəmmədi "İsraillə əməkdaşlıq"da və "toplaşmaq və əlbir olmaq"da günahlandırılıb.

Xatırladaq ki, Nərgiz Məhəmmədi 1972-ci il aprelin 21-də Güney Azərbaycanın Zəncan şəhərində anadan olub. 1996-cı ildən jurnalistika fəaliyyətinə başlayıb, İranda bir sıra KİV-də işləyib. Nərgiz Məhəmmədi 2023-cü ildə İranda insan haqlarının müdafiəçisi kimi Nobel Sülh Mükafatına layiq görülüb.