"Azərbaycan Könüllülük Həftəsi 2025" çərçivəsində "Suveren Azərbaycan" İntellektual Könüllülər Liqası baş tutub

Azərbaycan Respublikasının Gənclər Fondunun dəstəyi, Azərbaycan Respublikasının Medianın İnkişafı Agentliyinin (MEDİA) tərəfdaşlığı və Azərbaycan Könüllü Təşkilatları İttifaqının (AKTİ) təşkilatçılığı ilə keçirilən intellektual liqa AKTİ-yə üzv təşkilatları təmsil edən Azərbaycan Könüllülərinin iştirakı ilə "Nə?, Harada?, Nə zaman?" formatında həyata keçirilib. 

"Suveren Azərbaycan" İntellektual Könüllülər liqasının 1-ci yer qalibi "Bir Könüllü" Tələbələrin Əməkdaşlığı İctimai Birliyi, 2-ci yer qalibi "BDU Könüllüləri" Təşkilatı, 3-cü yer qalibi isə "ASAN Könüllüləri" Təşkilatı olub. 

Yarışda iştirak edən könüllülərimizə təşəkkür edir, qalib komandaları təbrik edirik!