Yevlaxda əhaliyə ödənişsiz hüquqi yardım göstərilib- ÖZƏL

Yevlaxda "Konstitusiya və Suverenlik İli" çərçivəsində Azərbaycan Respublikası Milli Məclisinin və Azərbaycan Respublikasının Vəkillər Kollegiyasının birgə təşəbbüsü ilə aztəminatlı və sosial həssas qruplardan olan şəxslərə ödənişsiz hüquqi yardımın göstərilməsi məqsədilə sosial-hüquqi aksiya təşkil edilib. "Olaylar" xəbər verir ki, bu barədə Milli Məclisin deputatı, parlamentin Hüquq siyasəti və dövlət quruculuğu komitəsinin sədri Əli Hüseynli məlumat verib: " Aksiyada Milli Məclisin deputatı İlham Məmmədov, Milli Məclis Aparatının əməkdaşı Fərhad Vəliyev, YAP Yevlax Rayon Təşkilatının sədri Rafiq Əliyev və Yevlax Şəhər İcra Hakimiyyəti Başçısının birinci müavini Xaliq Əliyev iştirak etmişdir. Yeni Azərbaycan Partiyasının Yevlax şəhər təşkilatının inzibati binasında keçirilən aksiyada Yevlax şəhər Vəkil Bürosunun fərdi qaydada fəaliyyət göstərən vəkillərinin iştirakı ilə rayon sakinlərinə hüquqi yardım göstərilmişdir. Vəkillər tərəfindən müxtəlif hüquq sahələri üzrə məsləhətlər verilib, vətəndaşların müraciətləri dinlənilmiş, hər bir məsələyə fərdi yanaşılaraq aidiyyəti üzrə istiqamətləndirilmişdir".