Ağbənd–Kəlalə körpüsü mühüm qovşaq və kəsişmə nöqtəsidir - Hikmət Hacıyev (VİDEO)

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında Zəngəzur dəhlizindən video paylaşıb.

Olaylar xəbər verir ki, paylaşımda qeyd olunub:

"Zəngəzur Dəhlizi - Araz çayı üzərindəki Ağbənd-Kəlalə körpüsündə.

Bu, Şanxaydan Londona uzanan Şərq-Qərb marşrutu, həmçinin Hind okeanını Şimal dənizi ilə və Fars körfəzini Qara dənizlə birləşdirən Şimal-Cənub və Cənub-Qərb marşrutlarının kəsişdiyi əsas beynəlxalq nəqliyyat arteriyalarını birləşdirən mühüm qovşaq və kəsişmə nöqtəsidir".