Mehriban, səmimi və peşəkar ürək həkimi - ÖZƏL

Bir müddət öncə anidən səhhətimdə yaranan problemlə bağlı Mərkəzi Neftçilər Xəstəxanasına müraciət etməli oldum. Ürək-damar xəstəliklərinin müayinə və müalicəsi üzrə xüsusi təsrübəyə malik Mərkəzi Neftçilər Xəstəxanasının Kardiologiya şöbəsinin müdiri, invaziv kardioloqu Şəfəq Nəzirova tərəfindən müayinə olundum. Baxmayaraq ki, səhhətimlə bağlı anidən həyati təhlükə yaranmışdı və ürəyimdə ciddi problem müşahidə olunurdu. Həkim tərəfindən dəqiq diaqnoz qoyularaq müalicəmə qərar verildi və onun ciddi səyi nəticəsində qısa müddət ərzində səhətim yaxşılaşmağa başladı. Müalicənin davamı olaraq doktorumun şəxsi nəzarəti altında anju olundum. Mehriban, səmimi və peşəkar tibb personalının  ciddi səyi  nəticəsində həyatım üçün yaranan təhlükə aradan qaldırıldı.
Yeri gəlmişkən qeyd edim ki, Doktor Şəfəq Nəzirova ürək xəstəlikləri keçirən pasiyentlərin müalicəsi və reabilitasiyası üzrə ixtisaslaşıb. Mütəxəssis müxtəlif kardioloji xəstəlikləri (infarkt, infarkt qabağı vəziyyət, hipertoniya, miokardit, hipotoniya, ürəyin işemik xəstəlikləri) müalicə edir. Həkim Azərbaycan, Avropa və Türkiyə Kardiologiya Cəmiyyətlərinin üzvüdür.
Müqəddəs həkim adı daşımaq çoxsaylı insanlara nəsib olur, lakin yalnız mehriban və mərhəmətli həkim xəstələrin məhəbbətini, xalqın etimadını qazanır. Odur ki, doktor Şəfəq Nəzirova kimi dəyərli həkimlərimizin qədrini bilməli, onlara layiqli dəyərini verməliyik.
Sağlamlığımın bərpa olunmasına, mənə göstərilən keyfiyyətli tibbi xidmətə, həkim heyyətinin həssaslığı və xəstələrə qarşı olan səmimi münasibətinə görə, Mərkəzi Neftçilər Xəstəxanasının Kardiologiya şöbəsinin müdiri, invaziv kardioloq Şəfəq Nəzirovaya xüsusi təşəkkürümü bildirirəm!
Sağlamlıq naminə gücünüz-qüvvəniz həmişə yetərli olsun!