"Guya mən o adamdan qorxmuşam" - Namiq Qaraçuxurlu həmin GÖRÜNTÜLƏRDƏN DANIŞDI

Xəbər verdiyimiz kimi, Xalq artisti Aygün Kazımova və duet ortağı, tanınmış meyxanaçı Namiq Qaraçuxurlunun toy məclisindəki çıxışı zamanı maraqlı, eyni zamanda gözlənilməz an yaşanıb.

Musavat.com xəbər verir ki, müğənni səhnədə çıxış edərkən məclisdə iştirak edən şəxslərdən biri rəqs edərək onun yanına gəlib.

Aygün Kazımova bu gözlənilməz hərəkətdən qorxaraq geri çəkilib. Orkestrda çıxış edən musiqiçilərdən biri dərhal müğənnin önünə keçərək onu qorumağa çalışıb. Görüntülər sosial mediada maraqla qarşılanıb. Həmin görüntülərdə səhnəyə çıxan qonaq Aygün Kazımovaya yaxınlaşmış, lakin həmin anda səhnədə olan Namiq Qaraçuxurlu qonağa mane olmamışdı. Buna görə Namiq Qaraçuxurlu sosial mediada tənqid olunmuşdu.

Namiq Qaraçuxurlu sözügedən görüntülərlə bağlı açıqlama yayıb: 

"Mən öz mədəniyyətimlə fəxr edən adamam. Bütün incəsənət adamlarını da belə görmək istəyirəm. Bu sizin bir neçə gündür, seyr etdiyiniz görüntülərdən 5 dəqiqə öncə baş verən səhnədir. Bu qardaşımız doğmamız, azərbaycanlımızdır. Mənə və sonra Aygün xanıma olan sevgisini son dərəcə saflıqla, içdən bildirən adamdır. Hətta mən səhnədən çıxdıqdan sonra Aygün xanım onu yenidən səhnəyə səsləyirdi. Belə bir adamı sosial şəbəkədə az qala "terrorist " ediblər və guya mən 5 dəqiqə öncə qucaqladığım bu qardaşımızdan qorxmuşam. Toy sahiblərinin bu qardaşımıza yaxınlaşdığını, ümumiyyətlə burada heç bir xəta ola bilməyəcəyini görüb kənardan "orada dava gedir" ab-havası yaranmasın deyə uzaqlaşmağımı bu qədər səmimi, sevgi dolu bir adamdan qorxmağım kimi təqdim edirlər. Biz belə sevgiylə demək olar ki, hər gün rastlaşırıq. Belə insanlara qayğı ilə yanaşmağı şəxsən mən özümə borc bilirəm. Bəzi travması olan insanlara səslənirəm: Allah şahiddir ki, mən sizi başa düşürəm.Kaş ki taleyiniz belə olmazdı.Çünki siz də bizim doğma millətimizsiniz. Lakin siz məndən özünüz kimi biri düzəldə bilməyəcəksiniz. Mən qanacağım və düşüncəm ilə sizin övladlarınıza dəyərlər ötürməyi daha vacib sayıram. Və sonda xəbis adamları lərzəyə salacaq bir dua: Allah sizə də, mənə də ürəyimizə görə versin".