Azərbaycanın təhsil ictimaiyyətinə ağır itki
Azərbaycanın təhsil ictimaiyyətinə ağır itki üz verib. Naxçıvan Dövlət Universitetinin müəllimi, əməkdar müəllim Vahid Məmməd oğlu Rzayev rəhmətə gedib.
Vahid Məmməd oğlu Rzayev 1952-ci ildə Naxçıvan Muxtar Respublikası Şərur rayon Şərur qəsəbəsində anadan olmuşdur. 1975-ci ildə Azərbaycan Dövlət Pedaqoji Universitetinin filologiya fakültəsinin Azərbaycan dili və ədəbiyyat ixtisasını bitirmişdir. 1979 - cu ildən müsabiqə yolu ilə Naxçıvan Dövlət Universitetinin "Pedaqogika və psixologiya" kafedrasına müəllim təyin edilmişdir. 1989- cu ildə "Zaqafqaziya xalqlarının pedaqoji əlaqələri (XIX əsr və XX əsrin əvvəlləri)" mövzusunda dissertasiya müdafiə edərək pedaqogika üzrə fəlsəfə doktoru alimlik dərəcəsi almışdır. Naxçıvan Müəllimlər İnstitutunun pedaqogika və psixologiya kafedrasında dosent vəzifəsində işləyib. 2017-ci ildə Naxçıvan Muxtar Respublikasının "Əməkdar müəllim"dir. 7 kitabın, 3 metodik vəsaitin və 100 - dən artıq elmi məqalənin müəllifidir. "Murad Tutayuk", Güney Qafqaz xalqlarının pedaqoji əlaqələri", "Naxçıvanda qızların təhsili tarixindən", "XIX əsr və XX əsrin əvvəllərində Naxçıvanda və İrəvanda məktəb və mədrəsələr", "Naxçıvanda məktəb və pedaqoji fikir" elmi-pedaqoji mühitdə rəğbətlə qarşılanmışdır.
Allah rəhmət eləsin!