Alim Qasımov villasının satılmasından danışdı

Xalq artisti Alim Qasımovun villasını satışa çıxardığı haqda məlumat yayılıb. Bildirilir ki, o, evini 5 milyon manata təklif edir.

"Unikal"ın yaydığı məlumata görə, sözügedən mülk Bakının Vorovski ərazisində, 12 sot torpaq sahəsində yerləşir.

Globalinfo.az məsələ ilə bağlı Alim Qasımovla əlaqə saxlayıb. Xalq artisti yayılan məlumatların doğru olmadığını bildirib:

"Evimin satışa çıxarılması ilə bağlı yayılan xəbərlər həqiqəti əks etdirmir. Bu evdə ailəmlə birlikdə yaşayıram və satılmır".