“Olaylar” yazır, yaradır, tərəfsiz olaraq öz işini davam etdirir- ÖZƏL

""Olaylar" və eyniadlı   İnformasiya Agentliyi  növbəti ad gününü yaşayır. Mən də bir oxucu olaraq hər zaman qəzetin əldən ələ gəzən nüsxələrini   sevə sevə oxuyardım. Onda köşklərdə satılan qəzetlər içərisində "Olaylar"ın da öz dəsti- xətti vardı. Doğrudan da az vaxt deyil ,o gündən bu günə 30 il keçib".

Bunu Milli Cəbhə Partiyası sədrinin müavini Rafiq Daşdəmirli "Olaylar"ın  30 illik yubileyi ilə bağlı   kollektivi  təbrik edərkən deyib:
"30 il keçməsinə baxmayaraq qəzet və  sayt  bu günə kimi yenə ayaqdadır. "Olaylar"   yazır, yaradır, tərəfsiz olaraq öz işini davam etdirir. "Olaylar"ın  30 illik yolu onun oxucularına sevgisi və sadiqliyidir. Bu sevgini və sadiqliyi yaradan, onun  ayaqda qalmasının ən başlıca səbəbi ətrafına topladığı yaradıcı insanlardır. 
30 illik yubileyini qeyd etdiyimiz "Olaylar"  bu  adla  mətbuata  qədəm qoymuş, o adla da davam etməkdədir. Özümü "Olaylar"ın sıradan bir oxucusu sayıram. Mürəkkəb və vacib missiyasının yerinə yetirilməsi zamanı yorulmayıb, işinə bir an belə fasilə verməyib, hər zaman oxucularının səsinə səs verən "Olaylar" ın  bütün kollektivini və dostum, müəlliflər sırasında nüfuz sahibi olan Alim Hüseynlini təbrik edirəm.  Azərbaycan həyatının bütün sahələrini əhatə edən, özünəməxsuz yaradıcılıq ənənələri,  gözəl, bənzərsiz, geniş oxucu auditoriyasını qazanmış "Olaylar"ı təbrik edirəm. Hesab edirəm ki, "Olaylar" daha böyük zirvələrə yüksələcək. Yubileyiniz mübarək, əziz dostlar!  Yübileyiniz mübarək, əziz "Olaylar"!