Yunus Oğuzun "TÜRK" etnonimi və törələri" elmi məqaləsi “Yazarlar” jurnalında - ÖZƏL

Azərbaycanın ilk hibrid jurnalı olan "Yazarlar" jurnalının 52-ci sayı işıq üzü görüb. Jurnalın bu sayında Rüfət Hüseynzadə, Akif Abbasov, Emiliya Rəcəbova, Zeynalabdin Novruzoğlu, Murad Məmmədov, Turan Novruzlu, Aysel Əzizova, Zəhra Həşimova kimi tanınmış şəxslərin məqalə, hekayə və şeİrləri, eləcə də  müsahibə, təqdimat və təbriklər dərc olunub. 
Nəşrdə tarixçi-yazar Yunus Oğuzun "Olaylar" qəzeti başda olmaqla müxtəlif mətbu orqanlarda yayımlanan "TÜRK" etnonimi və törələri" adlı silsilə yazısının birinci hissəsi dərc olunub. Mövzunun əhəmiyyətini nəzərə alaraq silsilə yazı növbəti saylarda da dərc ediləcək. Yazı tam bitib, mövzu bağlandıqda  "Yazarlar" jurnalının xüsusi buraxılışı formasında, ayrıca kitab şəklində çap olunması nəzərdə tutulur. 
Məramı  "Yaradıcı uşaq - gәnclәrin dövrü mәtbuatda çıxışını asanlaşdırmaq olan jurnal bu qəbildən olan uşaqların tanınmasına təmənnasız köməklik göstərir. Aylıq ədəbi-bədii, elmi jurnal olan "Yazarlar" kitabxanalar üçün ənənəvi qaydada məhdud sayda nəşr olunur və elektron formatda bir neçə sabit, dayanıqlı, təhlükəsiz platformadan pulsuz olaraq yayımlanır.
Jurnalı elektron variantda və ənənəvi formatda əldə etmək mümkündür. 
"Yazarlar" jurnalının baş redaktoru Zaur USTAC-dır.