Bəzi universitetlərdə təhsil 2 il ola bilər - AÇIQLAMA

Hazırda ölkəmizdə ali təhsil müddəti 4 ildir. Son zamanlar cəmiyyətdə təhsil ilinin qısaldılması ilə bağlı müzakirələr var. 

Olaylar.az xəbər verir ki, tələbələr də bəzi ixtisaslar üzrə 4 ilin çox zaman olduğunu düşünür. Belə ki, bəzi ixtisaslar üzrə 2 illə kifayətlənəcəyini düşünən tələbələr nəzəriyyədən daha çox praktika öyrənilməsinin vacib olduğunu deyirlər. 

Təhsil eksperti Elçin Əfəndinin sözlərinə görə, bəzi ixtisaslar üzrə 4 il çoxdur. Proqramı qeyri-ixtisas fənləri ləğv etməklə 3 ilə yekunlaşdırmaq olar. 

Məsələ ilə bağlı Elm və Təhsil Nazirliyindən bildirildi ki, sözügedən məsələ onların da diqqətindədir. Bununla bağlı onlar da müəyyən təhlillər aparırlar. Müzakirələrin yekun nəticəsi ilə bağlı qərarlar həmin təhlillərdən sonra açıqlanacaq.