"Ağstafanın bir sıra kəndlərində qaz yoxdur"-Komitə sədri

"Ağstafada qazlaşdırma səviyyəsi ümumilikdə yüksək olsa da, rayonun Poylu, Göyçəli, Aşağı Kəsəmən, Qıraq Kəsəmən, Xətai, Zəlimxan və Köçəsgər kimi kənd və qəsəbələrində - yeni yaşayış massivlərində qaz yoxdur". "Olaylar" xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov parlamentin bu gün keçirilən plenar iclasında - hökumətin ötənilki fəaliyyəti ilə bağlı hesabatın təqdimatında bildirib.

Deputat deyib ki, Qıraq Kəsəmən kənd sakinləri öz vəsaitləri hesabına tarixi abidə kimi təsdiqlənmiş İsrafil ağanın evinin bərpası üzrə müraciət edib: "Bu məsələnin həllinə kömək edilməsini xahiş edirəm.Ağstafa-Qazax regionunda iqtisadi fəal insanların məşğulluğu aqrar sahədən, bu sahənin inkişafı isə suvarmadan asılıdır. Suvarma sistemlərinin təkmilləşdirilməsi isə investisiya tələb edir. Bu məsələdə də baş nazirdən göstəriş verilməsini xahiş edirəm".