Qanunsuz ayrılmış 9 700 hektar torpaq sahəsi geri qaytarılıb

Ötən il 102 mindən çox bələdiyyə aktı üzrə inzibati nəzarət həyata keçirilib, onlardan 2,5 mindən çox akt Ədliyyə Nazirliyin təklifləri əsasında ləğv edilib və ya dəyişdirilib. "Olaylar" xəbər verir ki, bununla bağlı Nazirlər Kabinetinin 2024-cü ildəki fəaliyyəti haqqında hesabatında əks olunub.

Milli Məclisin bugünkü plenar iclasında müzakirəyə çıxarılan hesabata əsasən, 1 700 pozuntuya yol verən 103 bələdiyyə sədri barəsində inzibati xəta haqqında protokollar məhkəmələrə, cinayət xarakterli 51 fakt üzrə materiallar isə istintaqa verilib, qanunsuz ayrılmış 9 700 hektar torpaq sahəsi geri qaytarılıb.

Həmçinin hesabat ilində mülki, ailə və cinayət işləri üzrə hüquqi yardım, ekstradisiya, xarici ölkələrin məhkəmə qərarlarının tanınması və icra olunması, habelə digər məsələlərlə bağlı 27,5 mindən artıq sorğunun icrası təmin olunub.