Rusiya və Azərbaycan hüquq-mühafizə orqanlarına Aktauda qəzaya uğrayan təyyarə ilə bağlı araşdırma aparılmasına icazə veriləcək - Kanat Bozumbayev

Rusiya və Azərbaycanın hüquq-mühafizə orqanlarına Aktauda qəzaya uğrayan təyyarə ilə bağlı araşdırma aparmağa icazə veriləcək.

Olaylar.az Qazaxıstan KİV-lərinə istinadən xəbər verir ki, bunu Qazaxıstanın baş nazirinin müavini Kanat Bozumbayev deyib.

"Rusiya Federasiyasının və Azərbaycanın hüquq-mühafizə orqanlarının cinayət təhqiqatında iştirakına icazə verilməyəcək, lakin qəzanın araşdırılmasına icazə veriləcək", - o qeyd edib.

Qeyd edək ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb.

Aktau şəhərində qəzaya uğrayan Bakı-Qroznı reysini yerinə yetirən "Embraer 190" təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub.

Qəza nəticəsində ümumilkdə 38 nəfər həlak olub. Qəzadan sonra xəstəxanaya 27 şəxs daxil olub. Onlardan 15 nəfər Azərbaycan Respublikasının, 8 nəfər Rusiya Federasiyasının, 3 nəfər Qırğızıstan Respublikasının vətəndaşıdır. Bir nəfərin şəxsiyyəti, hələlik müəyyən edilməyib.

Xəstəxanaya daxil olmuş şəxslərdən 11-i reanimasiya şöbəsində, 13-ü travmatologiya şöbəsində, 2-si neyrocərrahiyyə şöbəsində, 1-i isə cərrahiyyə şöbəsində müalicə alır. Həmin şəxslər Azərbaycan, Qazaxıstan və Rusiyadan ezam olunmuş peşəkar həkimlərin nəzarəti altındadır.

Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb.

Təyyarənin "qara qutu"su artıq aşkar edilib və onun beynəlxalq aviasiya konvensiyalarına uyğun olaraq təhlili üçün prosedurlar aparılır.