Kofein qəbuliu yaddaşa necə təsir edir?- ÖZƏL

Olaylar.az xəbər verir ki, alimlər iş yaddaşını yaxşılaşdırmaq üçün səhərlər nə qədər kofein qəbul edilməli olduğunu müəyyən ediblər. Taylandın Mahidol Universitetinin alimləri belə qənaətə gəliblər ki, hətta aşağı dozada kofein iş yaddaşını yaxşılaşdırmaq üçün kifayətdir.  

Təcrübədə 25 kişi iştirak edib. İştirakçılar iki qrupa bölünüb. Onlar 50 mq kofeinli və ya kofeinsiz bir stəkan ətirli su içiblər. Alimlər əvvəlcə gözləri bağlı oturaraq EEG-dən istifadə edərək könüllülərin beyin fəaliyyətini ölçüblər. İştirakçılar daha sonra koqnitiv funksiyanın iki testini tamamlayıb. Yarım saatdan sonra yenidən ölçmə və sınaqlar aparılıb.  Bütün könüllülər 5 dəqiqə ərzində məşğələləri yerinə yetirib, ardınca növbəti məlumat toplama sessiyası keçirilib. Bir həftə sonra prosedur təkrarlanıb, yeganə fərq qrupların içkiləri dəyişdirmələri idi.  Məlum olub ki, kofein qəbulundan 30 dəqiqə sonra beyində alfa dalğalarının fəaliyyəti ləngiyib, koqnitiv funksiyalar, yəni əl-gözün işləmə sürəti, iş yaddaşı və diqqəti yaxşılaşıb, yuxululuq aradan qalxıb