İşləri “sonraya” təxirə salmaq depressiya əlamətidir- NECƏ QURTULAQ?- ÖZƏL

Olaylar.az xəbər verir ki,  yorğunluq və hətta ən sadə tapşırıqları yerinə yetirmək istəməmək  depressiya ilə əlaqələli ola bilər. Bu barədə klinik psixoloq  Stanislav Samburski məlumat verib. Ekspertin fikrincə, bir insanın heç nə etmək istəməməsinin  tənbəlliklə  heç bir əlaqəsi yoxdur. Xroniki yorğunluq və ya həyatda baş verən xoşagəlməz hadisələr  səthi səbəblərdir.  Daha dərin səbəblər var ki, ona görə insan işlərində verəcəyi  qərarı  təxirə salır.  Bunun üçün ilk növbədə insanın fiziki, mənəvi və emosional resurslarını nəyə xərclədiyini anlamaq lazımdır. Beləliklə, o, müəyyən bir müddət üçün həyatı təhlil etməli və duyğularda baş verən dəyişiklikləri görməlidir. 

İkinci səbəb isə müəyyən bir problemi həll etmək istəməməkdir. Bəzən bir çox şeydən yalnız bir şey ən çox bezdirici olur. Bu vəziyyətdə xoşagəlməz şeyi təxirə salmaq və bütün gücünüzü digər işləri yerinə yetirməyə sərf etmək daha yaxşıdır. Demək olar ki, bütün işlər görüldükdən sonra xoşagəlməz bir xırda işi yerinə yetirmək daha asan olacaq. Düzgün sistemləşdirmə ilə, mənəvi itki olmadan əvvəlcə nəzərdə tutulan hər şeyi edə bilərsiniz. 

Psixoloq qeyd edib ki, əmək qabiliyyətinin aşağı olmasının səbəblərindən biri də depressiyadır, onun əlamətləri yataqdan qalxmaq istəməmək, canlılığın olmamasıdır. 

Bu haldan qurtulmaq üçün insan öz bədəninə qulaq asmalı, dincəlməli və dözülməz bir yük götürməməlidir.  Tükənmənin qarşısını almaq üçün sağlam həyat tərzi sürməli, yaxşı yatmalı və qidada tarazlıq saxlamaq lazımdır.