Qanunsuz balıq ovlayan şəxs cəzalandırılıb

Qarayazı Dövlət Təbiət Qoruğunun əməkdaşları tərəfindən keçirilən nəzarət tədbirləri zamanı qoruğun ərazisində qanunsuz balıq ovlayan şəxs saxlanılıb. "Olaylar"ın məlumatına görə, Bioloji Müxtəlifliyin Qorunması Xidmətinin rəsmisi Rəşad Allahverdiyev bildirib ki, araşdırma zamanı brakonyerin Qazax rayon sakini Ramin Əhmədov olduğu müəyyən edilib. Faktla bağlı təqsirkar şəxs barəsində qanunamüvafiq tədbirlər görülüb.