Bu il Sumqayıtda narkotiklə bağlı 453 fakt aşkar edilib

Sumqayıt şəhərində polis əməkdaşları narkotiklərin qanunsuz dövriyyəsino təşkil edən şəxslərə qarşı silsilə əməliyyatlar keçiriblər. Onlardan ümumilikdə 3 kiloqrama yaxın heroin və psixotrop tərkibli metadon həbləri aşkarlanıb. DİN-dən "Olaylar"a bildirilib ki, Sumqayıt Şəhər Polis İdarəsinin əməkdaşları tərəfindən bu ilin əvvəlindən  narkotik vasitələrin qanunsuz dövriyyəsinə qarşı keçirilən əməliyyatlar zamanı 453 fakt aşkar edilib. Nəticədə qanunsuz dövriyyədən 30 kiloqram müxtəlif xassəli narkotik vasitə və psixotrop maddə, o cümlədən heroin, tiryək, marixuana və metamfetamin, eləcə də 290 ədəd psixotrop tərkibli həb çıxarılıb.