Bakıda avtobus sürücüsü yolda kinoya baxdı - VİDEO

Bakıda sürücü avtobusu idarə edərkən telefonda kinoya baxıb.

Olaylar.az Xəzər Xəbər-ə istinadən xəbər verir ki, hətta bəzi hallarda diqqətini tamamilə həmin videoya yönəldib.

Bununla bağlı görüntüləri vatsap nömrəmizə göndərən sərnişin iddia edir ki, sürücü yol boyu telefonda film izləyib. Məlumata görə, görüntülər oktyabrın 15-i paytaxtda 71 saylı marşrut xətti üzrə hərəkətdə olan avtobusda lentə alınıb.

Xezerxeber.az-ın məlumatına görə, sərnişin və sürücülər bu formada nəqliyyat vasitəsini idarə etməyin çox təhlükəli olduğunu deyirlər.

Məsələ ilə bağlı sözügedən xəttin avtodəstə rəisi Natiq Rüstəmov bildirib ki, bu gün həmin sürücü şirkətə dəvət edilib və onun barəsində müvafiq tədbirlər görülüb.

Bakı Nəqliyyat Agentliyindən isə bildirildi ki, sözügedən xəttin müvəqqəti istismarçısı agentliyə dəvət edilib. Məlum hadisə ilə bağlı onlara sərt xərbərdarlıq edilib.

Xezerxeber.az mövzu ilə bağlı daha ətraflı videomaterialı təqdim edir: