Narkomaniya bütün cəmiyyətimizi yaşanmaz cəhənnəmə sürükləyir - ÖZƏL

"Narkomaniya sadəcə istifadə edənləri deyil, bütün cəmiyyətimizi yaşanmaz cəhənnəmə sürükləyir". "OLAYLAR" xəbər verir ki, bu fikirləri Türkiyə Universitetləri Məzunları İctimai Birliyinin sədri Tural Əfəndi səsləndirib. Onun sözlərinə görə, 1990-cı illərdən başlayan soyğunçuluq, quldurluq və.s kimi cəmiyyəti tədirgin edən xoşagəlməz hadisələrə 2000-ci illərin ortalarında demək olar ki, son qoyuldu və Azərbaycan çox güvənli, rahat yaşanacaq bir ölkəyə çevrildi. Bu işdə polisin əməyini xüsusi qiymətləndirməmək olmazdı: "Narkotikin tüğyan edəcək səviyyəyə çatması ilə biz yenidən 1990-cı illərdə yaşanan o xoşagəlməz dövrə qayıda bilərik. Artıq bunun ilkin mərhələsi olan oğurluq hadisələrinin başladığını da söyləyə bilərik. Məhəllələrdə oğurluq sıradan bir hadisəyə çevrilməyə başlayıb".