Azyaşlı qızlara qarşı təcavüzə cinayət kimi baxıram - QHT sədri-Özəl

Son vaxtlar ölkəmizdə azyaşlı qızlara qarşı təcavüz, fiziki və psixi təzyiqlərin artması müşahidə olunur. Belə hallara qarşı ictimai qınağın olmasına baxmayaraq bu sahədə mövcud olan neqativ hallarının qarşısını almaq mümkün olmayıb. Sosial-İqtisadi  və Ekoloji İnkişaf İctimai  Birliyinin sədri, Ailə, Qadın  və Uşaq Problemləri üzrə Dövlət Komitəsi yanında İctimai Şuranın sədr müavini Rahilə Mehdiyeva "Olaylar"a açıqlamasında qeyd edib ki, ölkəmizdə azyaşlı qızlara qarşı təcavüzə cinayət kimi baxır: "Təkcə qız uşaqlarına deyil, ümumilikdə azyaşlı uşaqlara qarşı hər hansı təzyiq göstərənlərə ən ağır cəza verilməlidir. Çünki belə hallarda uşaqlara, xüsusən də həmin qızlara onlar  tərəfindən daxilən ömürlük həyat cəzası vermiş olurlar. O qızların arzuların əlindən almaq, gələcək həyat yollarının üstündən xətt çəkmək, onların cəmiyyətə qorxaq bir baxışla yaşamalarlna səbəb olması  doğru deyil. Tamamilə bu halları pisləyirəm".