Nazir müavini Şəkidə vətəndaşları qəbul edib

Əmək və əhalinin sosial müdafiəsi nazirinin müavini Hidayət Abdullayev sentyabrın 2-də Şəkidə həmin rayonun sakinlərini qəbul edib. Nazirlikdən "Olaylar"a bildirilib ki, müraciət edənlərin bir qismi şəhid ailələrinin üzvləri və müharibə veteranları olub. Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılıb, müraciətlərdə əksini tapan məsələlərin həlli ilə əlaqədar tədbirlər görülüb.