Qobustanda ölümlə nəticələnən yol-nəqliyyat hadisəsi baş verib

Qobustanda ölümlə nəticələnən yol-nəqliyyat hadisəsi baş verib

Qaradağ rayonunun Qobustan qəsəbəsi ərazisində yol-nəqliyyat hadisəsi baş verib. DİN-dən "Olaylar"a verilən məlumata görə, martın 11-də saat 20 radələrində Qaradağ rayonunun Qobustan qəsəbəsi ərazisində Bakı şəhər sakini X.Seyfullayev idarə etdiyi "KamAZ" markalı avtomobili yolun kənarında dayanmış "QAZ-33022" markalı avtomobilə vurmuş, sonuncu avtomobil hərəkətə gəldiyindən onun qarşısında dayanmış sürücü, Bakı şəhər sakini Sərvər Tağıyevə dəymişdir. Nəticədə xəsarətlə xəstəxanaya yerləşdirilmiş S.Tağıyev orada ölmüşdür. Baş İstintaq və Təhqiqat İdarəsi tərəfindən araşdırma aparılır.