DİN Oğuzda baş verən qətllə bağlı məlumat yaydı

DİN Oğuzda baş verən qətllə bağlı məlumat yaydı

Daxili İşlər Nazirliyini Oğuzda baş verən qətllə bağlı məlumat yayıb. Nazirliyinin mətbuat xidmətindən "Olaylar"a  verilən məlumata görə, fevralın 28-də Oğuz rayonunun Kərimli kəndi ərazisində kənd sakini, əvvəllər  məhkum olunmuş Z. Məsimov münaqişə zəminində tüfəngdən açdığı atəşlə həmkəndlisi Elşən Abdullayevi qətlə yetirib. Oğuz rayonunun polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində qəsdən adam öldürməkdə şübhəli bilinən Z. Məsimov tutulub. Cinayəti törədərkən istifadə etdiyi müvafiq sənədləri olmayan "TOZ-16" markalı ov tüfəngi götürülüb. Faktla əlaqədar cinayət işi başlanıb.