Hansı iş yerlərində qadın əməyinin tətbiqi qadağan edilir- Dövlət qurumları siyahı hazırlayacaq

"Məşğulluq Strategiyasının həyata keçirilməsinə dair 2020-2025-ci illər üçün Tədbirlər Planı"nda beynəlxalq əmək standartlarına uyğun olaraq qadınların əməyinin tətbiqi qadağan olunan iş yerlərinin siyahısının təkmilləşdirilməsinə dair təkliflərin hazırlanması nəzərdə tutulub. "Olaylar"ın xəbərinə görə, Ailə, Qadın və Uşaq Problemləri üzrə Dövlət Komitəsinin  İnformasiya və Analitik Araşdırmalar şöbəsindən bildirilib ki,  bununla bağlı Əmək və Əhalinin Sosial Müdafiəsi, İqtisadiyyat, Səhiyyə nazirlikləri, Ailə, Qadın, Uşaq Problemləri üzrə Dövlət Komitəsi, Sahibkarlar (İşəgötürənlər) Təşkilatları Milli Konfederasiyası və Azərbaycan Həmkarlar İttifaqları Konfederasiyası cəlb edilməklə tapşırıqlar verilib.