Dövlət Şəhərsalma və Arxitektura Komitəsinin sədri Niderland Krallığının Azərbaycandakı səfirini qəbul edib

Dövlət Şəhərsalma və Arxitektura Komitəsinin sədri Niderland Krallığının Azərbaycandakı səfirini qəbul edib

06 fevral 2020-ci il tarixində Dövlət Şəhərsalma və Arxitektura Komitəsinin sədri Anar Quliyev Niderland Krallığının Azərbaycan Respublikasındakı fövqəladə və səlahiyyətli səfiri Onno Kerversi qəbul edib.

Olaylar.az-a verilən məlumata görə, görüşdə Azərbaycan Respublikasının və Niderland Krallığının aidiyyəti təşkilatları arasında şəhərsalmanın planlaşdırılması və şəhər infrastrukturunun təkmilləşdirilməsi sahəsində son illər ərzində formalaşmış əməkdaşlığın inkişaf etdirilməsi imkanları, bu sahədə birgə reallaşdırıla biləcək layihələr barədə ətraflı fikir mübadiləsi aparılmışdır.