Azərbaycanda tələbələr dəhşətli hadisə ilə üzləşdi – ÖLƏN VƏ YARALANANLAR VAR
Azərbaycanda tələbələr dəhşətli hadisə ilə üzləşdi – ÖLƏN VƏ YARALANANLAR VAR
Qəbələ rayonunda ağır yol qəzası baş verib.
Dünən saat 22 radələrində Qəbələ rayonunun Vəndam qəsəbəsi ərazisində qəsəbə sakini, 2001-ci il təvəllüdlü Ramin Lətifli idarə etdiyi "Nissan" markalı avtomobili yolun kənarındakı ağaca vurub. Nəticədə sürücü aldığı xəsarətlərdən hadisə yerində ölüb. Avtomobildə olan sərnişinlər: 2001-ci il təvəllüdlü Xəlilov Şəhriyar Mübariz oğlu və 2002-ci il təvəllüdlü Cabayev Murad Sərxan oğlu müxtəlif xəsarətlərlə xəstəxanaya yerləşdiriliblər. Yaralılardan Ş.Xəlilovun vəziyyətinin ağır olduğu bildirilir.
Qeyd edək ki, dəhşətli qəzada ölən Ramin Lətifli Azərbaycan Memarlıq və İnşaat Universitetinin 1-ci kurs tələbəsidir və tətili doğma kəndində keçirmək üçün Qəbələdə imiş. Avtomobildə olan digər gənclər də ali məktəb tələbələridir.
Faktla bağlı araşdırma aparılır.