Sabahdan seçicilərə qeydiyyatdan çıxma vəsiqəsi veriləcək

25 Dekabr 2019 14:18 Sosial

Sabahdan növbədənkənar parlament seçkiləri ilə əlaqədar olaraq seçiciyə müvafiq dairə seçki komissiyası tərəfindən qeydiyyatdan çıxma (səsvermə) vəsiqəsinin verilməsinə başlanılacaq. "Olaylar" xəbər verir ki, Seçki Məcəlləsinin 101.2-101.4-cü maddələrinə əsasən, səsvermə gününə 45-25 gün qalanadək müvafiq dairə seçki komissiyaları tərəfindən seçiciyə qeydiyyatdan çıxma (səsvermə) vəsiqəsinin verilməsinə başlanılmalıdır.

Fevralın 9-a təyin edilmiş növbədənkənar parlament seçkiləri ilə əlaqədar olaraq dairə seçki komissiyaları tərəfindən seçiciyə qeydiyyatdan çıxma (səsvermə) vəsiqəsinin verilməsinə 2019-cu il dekabrın 26-dan başlanılacaq və 2020-ci il yanvarın 15-dək davam edəcək.

Təklifinizi, şikayətinizi bizə yazın. Sizi dinlərik. 055 634 88 31