İstanbulda Behbud Xan Cavanşirin abidəsinin açılışı olub

İstanbulda Behbud Xan Cavanşirin abidəsinin açılışı olub

Dekabrın 18-də  İstanbul Bəyoğlunda Azərbaycanın İstanbul Baş Konsulluğunun təşəbbüsilə  Azərbaycan Demokratik Respublikasının 18 iyul 1921- ci ildə erməni daşnak terrorçusu Misak Taylaryan tərəfindən qətlə yetirilən daxili işlər naziri Behbud Xan Cavanşirin abidəsinin açılışı olub. Açılış Bəyoğlu və İstanbulun mərkəzində yerləşən və nazirin şəhid edildiyi məhşur Pera Palaz otelinin önündə gerçəkləşib

Azərbaycanın  İstanbuldakı Baş Konsulu Məsim Hacıyev Ali Fuat Türkel-Şişli rayonu İcra hakimiyyətinin başçısı

Mustafa Demirelli- Beyoğlu rayonu İcra hakimiyyətinin başçısı

Haydar Ali Yıldız- Beyoğlu Bələdiyə Başkanı

Murat Tamer- Türkiyə Cumhuriyəti Xarici İşlər Nazirliyi İstanbul təmsilcisi, III dərəcəli səfir 

İstanbul vali yardımcısı- Ahmet Hamdi Usta iştirak ediblər. Abidənin açılışında çıxış edən Azərbaycan İstanbul Baş Konsulu Məsim Hacıyev və Bəyoğlu Bələdiyyə başqanı  Murat Tamer xalqlarımızın dostluğu və qardaşlığından, azadlıq yolunda verdiyimiz qurbanlardan və ölkələrimizin prezident İlham Əliyev və prezident Rəcəb Tayyib Ərdoğanın rəhbərlikləri altında əldə etdiyi yüksək nailiyyətlərdən danışıblar. Baş Konsul Məsim Hacıyev abidənin  ucaldılmasında köməklikləri olan Türkiyə Daxili İşlər Nazirliyinə , İstanbul Valiliyinə və Bəyoğlu Bələdiyyəsinə öz dərin təşəkkürünü bildirmişdir. Sonra Behbud Xan Cavanşirin abidəsinə çiçəklər qoyularaq mərasim yekunlaşıb.

MEHDİ SƏLİMOV