Lənkəranda gömrük təlimi

Dövlət Gömrük Komitəsinin (DGK) kütləvi informasiya vasitələrinin nümayəndələri üçün Lənkəranda "Gömrük sistemində aparılan islahatlar: nəticələr, perspektivlər" mövzusunda keçirilən təlimin açılış mərasimində DGK sədrinin birinci müavini İsmayıl Hüseynov gömrük-media münasibətlərinin formalaşmasının ictimaiyyətin düzgün formada məlumatlandırılması üçün əhəmiyyətini diqqətə çatdırıb. Bildirib ki, gömrük sahəsində bu işi mənimsəyən jurnalist ordusu formalaşır.

Noyabrın 30-dək davam edəcək təlimdə "Mərkəzi Gömrük Laboratoriyası: təyinatı, fəaliyyəti", "İslahatlar çərçivəsində informasiya texnologiyalarının gömrük sistemində tətbiqinin vəziyyəti", "Elektron növbə" layihəsi", "Fiskal siyasətin həyata keçirilməsində gömrük orqanlarının rolu və əldə olunan nailiyyətlər" mövzularında çıxışlar dinləniləcək.