"Kaspi" liseyində "Üçrəngli bayrağım - şöhrətim,şanım!" adlı tədbir keçirildi

Noyabrın 8-də "Kaspi" liseyinin  Bakıxanov filialında Dövlət Bayrağı gününə həsr olunmuş "Üçrəngli bayrağım - şöhrətim,şanım!" adlı tədbir keçirildi.  Tədbirdə   dəyərli qonaqlar - Azərbaycan Mətbuat Şurasının sədri Əflatun Amaşov və "Olaylar" informasiya agentliyinin direktoru Yunus Oğuz  iştirak edirdi. Azərbaycan Respublikasının Himni ilə başlayan tədbirdə, şəhidləri bir dəqiqəlik sükutla andıqdan sonra  söz  "Kaspi"  Təhsil Şirkətinin idarə heyətinin sədri Sona xanım Vəliyevaya verildi.

Tədbirdə "Kaspi" liseyi xor kollektivinin ifasında "Azərbaycan" mahnısı, "Teatr" və "Rəqs" dərnəyinin üzvlərinin ifasında "Bayraq sevdası" musiqili kompozisiyası nümayiş olundu.

"Kaspi" liseyi müəllim və şagird kollektivinin ifasında hazırlanmış "Bayraq sənin üçün nədir?..." adlı videoçarx da   qonaqlara təqdim olundu.

Tədbirin əvvəlində "Kaspi"  Uşaq   Musiqi və İncəsənət  Məktəbinin Ebru və rəsm şöbəsinin  şagirdlərinin bayraq gününə həsr olunmuş sərgiləri təqdim olundu.