Tələbələr Mikrobiologiya İnstitutunun laboratoriyaları ilə tanış olublar

Tələbələr Mikrobiologiya İnstitutunun laboratoriyaları ilə tanış olublar

Azərbaycan  Dövlət Neft və Sənaye Universitetinin  Biotibbi texnologiyalar mühəndisliyi üzrə ixsaslaşan  tələbələr AMEA-nın Mikrobiologiya İnstitutunda olublar.

Olaylar.az-a verilən məlumata görə, institutun elmi işlər üzrə direktor müavini, AMEA-nın müxbir üzvü Pənah Muradovla görüşdə qonaqlara müəssisənin tarixi, beynəlxalq əlaqələri və mikrobiologiyanın müasir istiqamətlərinə dair aparılan elmi-tədqiqat işləri haqqında məlumat verilib.

Bildirilib ki, görüşün keçirilməsində əsas məqsəd AMEA-da elmlə təhsilin vəhdətinin təmin edilməsi, kadr hazırlığı sisteminin müasir standartlara uyğun təkmilləşdirilməsi, həmçinin elmi-tədqiqat işlərinin nəticələrinin tədris prosesində həyata keçirilməsidir.

Sonra tələbələr institutun   Mikrobioloji biotexnologiya laboratoriyasında aparılan elmi-tədqiqat işləri, eləcə də bütün labaratoriyalarla müasir  iş prinsipi ilə tanış olublar.

Məqsəd gənclərin elmi potensialının yüksəldilməsi və gələcək üçün savadlı kadrların istiqamətləndirilməsi olub.