AQTA-nın 1003 “Çağrı Mərkəzi”nə qida zəhərlənməsi ilə bağlı 45 müraciət daxil olub

AQTA-nın 1003 “Çağrı Mərkəzi”nə qida zəhərlənməsi ilə bağlı 45 müraciət daxil olub

2019-cu ilin avqust ayı ərzində Azərbaycan Respublikasının Qida Təhlükəsizliyi Agentliyinin 1003 "Çağrı Mərkəzi"nə ümumilikdə 1701 müraciət daxil olub. Daxil olan müraciətlərdən 314-ü sertifikatlaşdırma və qeydiyyat, 359-u idxal-ixrac əməliyyatları, 235-i istehlakçı hüquqlarının pozulması halları ilə bağlı olub.

Agentlikdən "OLAYLAR"-a bildirilib ki, qida zəhərlənmələri ilə bağlı Agentliyə 45 müraciət daxil olsa da, onlardan yalnız 10-u öz təsdiqini tapıb. Bütün hallarda müraciətlər araşdırılmış və qanunvericiliyin tələblərinə uyğun olaraq icrası təmin edilib.

Müvafiq dövrdə Agentliyə daxil olan müraciətlərin 91-i işə qəbulla, 657-i isə digər xarakterli müraciətlər olub.