Qobuda tapançadan havaya atəş açan şəxs saxlanılıb

Qobuda tapançadan havaya atəş açan şəxs saxlanılıb

Qobu qəsəbəsində münaqişə zəminində tapançadan havaya atəş açan şəxs saxlanılıb. DİN-dən "Olaylar"a verilən məlumata görə, avqustun 19-da  Abşeron rayonunun  Qobu qəsəbəsi ərazisində qəsəbə sakinləri E.Əbdülkərmov və N.Cabbarov arasında baş vermiş münaqişə zəminində E.Əbdülkərmov tapançadan havaya 2 dəfə atəş açmışdır.

Abşeron RPİ əməkdaşlarının keçirdikləri əməliyyat tədbirləri nəticəsində E.Əbdülkərmov saxlanılmış və ondan 1 ədəd "Zoraki" markalı pnevmatik tapança və 1 ədəd patron götürülmüşdür. Faktla əlaqədar Cinayət Məcəlləsinin müvafiq maddəsi ilə cinayət işi başlanmışdır.